“İçərişəhər”in qala divarları obyektlərə satılıb? - FOTO

Memar Elçin əliyev özünün Feysbuk hesabında “İçərişəhər”in qala divarına bitişik hissədə səkinin zəbt edilməsi və obyekt tikilməsi ilə bağlı məlumat paylaşıb. 

Avtosfer.az xəbər verir ki, Əziz Əliyev küçəsində əvvəllər kiçik park və səki kimi istifadə edilən ərazidə təmir-tikinti işləri aparılıb və öz obyektinin təməlini belə qorumağa çalışan sahibkar qeyri-qanuni əldə etdiyi “əmlak”ının yola baxan hissəsinə hətta dəmir məhəccər də çəkib.

Elçin Əliyev kinayəli yazdığı hesabında, Azərbaycan məmurları ilə fəxr etdiyini, dünyanın heç bir yerində məmurların şəhər büdcəsinə bu qədər xeyir vermək istəyi olmadığını qeyd edib.

Problemlə əlaqədar aidiyyəti qurumlara müraciət etdik. Lakin hər zamankı kimi cavabdeh qurumlar məsələni bir-birinin üstünə atmaqla mövqe bildirməkdən yayındılar. Avtosfer.az saytı olaraq bildiririk ki, aidiyyəti tərəflərin məsələyə münasibətlərini əlavə edə bilərik.

Səfər Əlizadə