İşıqforların işində problemlər yaranır - FOTO

Yağıntılı hava şəraiti paytaxtın bir çox prospekt və küçələrində çətinliklər yaradıb. Bəzi yolayrıcılarda svetoforların fəaliyyəti dayanıb, bu da nəqliyyatın hərəkətində maneələrə səbəb olub.

Məsələ ilə bağlı Daxili İşlər Nazirliyinin Baş Dövlət Yol Polisi İdarəsinin İntellektual İdarəetmə Mərkəzinin mətbuat katibi Ömər Xıdırov Avtosfer.az-a açıqlama verib. O bildirib ki, Mərkəzin əməkdaşları gücləndirilmiş iş rejimində problemin qısa müddət ərzində həll edilməsi üçün çalışırlar:

“Sürücülərdən svetoforların işi bərpa edilənədək ərazidəki yol nişanlarının tələbini və nizamlanmayan yolayrıcını keçmə qaydalarını əsas tutaraq hərəkət etmələri xahiş olunur. Yollardakı vəziyyətlə bağlı operativ məlumatlandırma təmin ediləcək”.

Eltac Zülfüqaroğlu