Küçədə it gəzdirəndə diqqətli olun: CƏRİMƏSİ VAR
Gündəm 2 Dekabr 2022 12:49 Oxunub 2026
Küçədə it gəzdirəndə diqqətli olun: CƏRİMƏSİ VAR

Son vaxtlar küçələrdə iri it gəzdirən şəxslərin sayı çoxalıb.  Bu, əsasən yay aylarında daha çox təsadüf edilir. İt sahiblərinin isə bəziləri onları hansı qaydada küçədə gəzdirməli olduqlarını bilmirlər.
Nazirlər Kabinetinin 2011-ci il 9 mart tarixli 38 nömrəli qərarının 3.1.1-ci bəndində göstərilib ki, "insanların sağlamlığının qorunması məqsədi ilə itləri ancaq kiçik cilovda, iri cins itləri isə (senbernar, ovçarka, doq, boksyor, endelteryer, doberman-pinçer) cilovda və buruntaqda olmaqla ümumi məhəllələrdə və yaxud küçələrdə gəzdirmək lazımdır".

Bəzən küçədə iti gəzdirən şəxs onun cilovunu açaraq sərbəst buraxır, bəzən isə iri cins itləri buruntaqsız gəzdirirlər. Bu isə inzibati xəta tərkibi yaradır. İnzibati Xətalar Məcəlləsinin 290.1.4-cü maddəsində qeyd olunub ki, itləri cilovsuz, iri itləri isə həmçinin buruntaqsız məhəllələrdə və ya küçələrdə gəzdirən şəxslər 200 manat məbləğində cərimə oluna bilər. 

Nəzrin

ŞƏRH YAZ
Ad

E-mail

Şərh