Kürdəmir sakinləri qələbəni coşqu ilə qarşılayıb

Kürdəmir sakinləri Azərbaycan Ordusunun İkinci Qarabağ müharibəsində qazandığı qələbəni böyük coşqu ilə qarşılayıblar.

”Report”un Yuxarı Şirvan bürosu xəbər verir ki, gecə saatlarından başlayaraq əllərində Azərbaycan və Türkiyə bayraqları ilə küçələrə axın edən insanlar “Zəfər bizimdir”, “Yaşasın Ali Baş Komandan”, “Qarabağ Azərbaycandır” və başqa şüarlar səsləndiriblər.

Bütün gecə səhərədək avtomobillər və piyadalar iştirakı ilə yürüş keçirilib. Qələbə aksiyası hələ də davam edir. Rayon camaatı bu qələbə sevincini onlara bəxş edən və yaşadan Ali Baş Komandan İlham Əliyevə sonsuz minnətdarlıqlarını bildiriblər.