Kürdəmirdə karantini pozan toy sahibləri cərimələnib

Polis şöbəsinin əməkdaşlarının keçirdikləri tədbirlər nəticəsində rayonun Sığırlı kənd sakini Həşimov Kamil Şahnesib oğlu və rayonun Ərəbqubalı kənd sakini Kərimov Qabil Bəylər oğlunun fərdi yaşayış evinin həyətində təyin olunmuş qaydaları pozaraq normadan artıq sayda qonağın iştirakı ilə toy məclisi keçirdiyi müəyyən edilib.

Müəyyən olunan qayda pozuntusu ilə bağlı hər iki ev sahibləri ilə profilaktiki söhbətlər aparılıb və barələrində inzibati xətalar məcəlləsinin müvafiq bəndinə əsasən 400 manat miqdarında cərimə tətbiq olunub.

Hazırda Kürdəmir rayon Polis Şöbəsinin əməkdaşları tərəfindən rayon ərazisində qanunamüvafiq tədbirlərin görülməsi davam etdirilir.