Kürdəmirdə qəza, yaralanan var

Kürdəmir rayonunda piyadanın vurulması ilə nəticələnən yol qəzası baş verib. APA-nın məlumatına görə, hadisə Kürdəmir şəhəri, Heydər Əliyev prospektində qeydə alınıb. Rayon sakini, 1934-cü il təvəllüdlü Muradov Böyükkişi Ələsgər oğlu idarə etdiyi 10-HS-480 dövlət nömrə nişanlı “VAZ 2106” markalı minik maşını ilə yolu keçən piyada, 1991-ci il təvəllüdlü Məmmədov Ramiq Ələkbər oğlunu vurub. Müxtəlif dərəcəli bədən xəsarətləri alan R. Məmmədov Kürdəmir Mərkəzi Rayon Xəstəxanasına yerləşdirilib. Onun vəziyyəti ağır qiymətləndirilir.

Faktla bağlı araşdırma aparılır.