“London taksiləri”ndə gediş haqqı bahalaşıb - VİDEO

Evə rahat çatmağın ən yaxşı yollarından biri şəxsi avtomobilin olmasıdırsa, digəri isə taksilədir. Amma sonuncu variantda da bir əmma var. Paytaxtda müxtəlif növdə taksilər fəaliyyət göstərir, onlardan ən geniş yayılan isə “London taksiləri”dir. İlk öncə bənövşəyi rəngdə olan bu nəqliyyat vasitəsinin Avropa Oyunları zamanı ağ prototipini də gördük. İndi isə həmin ağ taksilər də xəttə buraxılıb. Özü də deyəsən nəqliyyat vasitəsinin rəngi ilə bir yerdə qiyməti də dəyişib. Avtosfer.az xəbər verir ki, bu barədə ans-in əməkdaşı məsələni araşdırmağa çalışıb: Bu gün paytaxtda müxtəlif növdə taksilər fəaliyyət göstərir, onlardan ən geniş yayılanı isə “London taksiləri”dir.

Bir neçə gündür ki, paytaxt Bakıda “London taksiləri” kimi fəaliyyət göstərən bənövşəyi taksilərdə, gediş haqqının artırılması böyük müzakirələrə səbəb olub.

Verilən məlumatlarda, bu taksilərə oturan sərnişinlərin artıq 1 manat deyil, 3 manat ödənməsi tələb olunduğu bildirilirdi.

Biz də “London taksiləri” ilə əhaliyə xidmət göstərən sürücülərdən, yeni tələbin onların fəaliyyətinə necə təsir etməsi ilə maraqlandıq.

Sürücülər bəzən bu məsələdə sərnişinlərin də çaşbaş qaldığını bildir. Məsələ ilə bağlı Nəqliyyatı İntellektual İdarəetmə Mərkəzindən bildirilər ki, bu taksilər yeni istifadəyə verilib və bunlar “London taksiləri”nə aid deyil. Bu taksilər nazirliyin tərkibində yaranıb. Bütün cəhətlərinə görə digər taksilərdən fərqlənir.

Qurumdan onu da əlavə etdilər ki, əgər bu yeni taksilər özünü doğrultsa, onların sayının artırılması da gözlənilir.