Maqnit fırtınaları eşelonu Yerə doğru hərəkət edir - FOTO

Sinoptiklərin və Rusiya Elmlər Akademiyasının Kosmik Tədqiqatlar İnstitutu və Yer Fizikası İnstitutunun alimlərinin proqnozlarına görə, 2025-ci ilin aprel ayı meteohəssas insanlar üçün ən çətin aylardan biri olacaq. Yer maqnit fırtınalarına hazırlaşır, birinci dalğa geofırtınası da artıq aprelin 5-də zərbə endirəcək.
Oxu.Az-ın verdiyi məlumata görə, bu barədə Rusiyanın Günəş astronomiyası Laboratoriyası xəbər yayıb.
Bildirilir ki, onun gücü 4-5 bal təşkil edəcək. Bu hadisə zamanı meteoroloji həssas, ürək xəstəliklərindən əziyyət çəkən, yaşlı insanlar və uşaqlar narahatlıq, zəiflik və baş ağrısı hiss edə bilərlər.
Bildirilir ki, geomaqnit aktivliyi səhər vaxtlarında daha güclü olacaq, axşam vəziyyət nisbətən sakit olacaq.
Maqnit fırtınası zamanı həssas insanlar nə etməlidir?
Özünüzü həddindən artıq yormayın. Ağır fiziki işdən, ciddi idman məşğələlərindən, hər cür güc məşqlərindən və yüklənmələrdən çəkinin.
Sakitliyi qorumağa və münaqişəli vəziyyətlərdən qaçmağa çalışın. Stress maqnit fırtınasının mənfi təsirini gücləndirə bilər.
Həddindən artıq yeməyin. Fastfuddan, ağır qidalardan, duzlu, şirin, yağlı, hisə verilmiş qidalardan, ümumiyyətlə, elə də faydalı olmayan hər şeydən imtina edin. Tünd qəhvə və çay, qazlı içkilər və enerji içkiləri, alkoqollu içkilər və siqaretlərdən çəkinin.
Dehidratasiyadan qaçmaq üçün kifayət qədər təmiz su için. Bədənin susuzlaşması simptomları ağırlaşdıra bilər.
Təmiz havada olun.
Daha çox yatın və istirahət edin. Tam dəyərli yuxu - maqnit fırtınaları günlərində sağlamlığın və yaxşı əhval-ruhiyyənin təminatıdır.

İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq












