MDB dəmir yolu administrasiyaları arasında əməkdaşlığın perspektivləri müzakirə edilib

MDB iştirakçısı olan dövlətlərin dəmir yolu administrasiyalarının nəqliyyat departamentləri rəhbərlərinin şəbəkə iclası keçirilib
Avtosfer.az "AZƏRTAC"a istinadla xəbər verir ki, iclasda Azərbaycan Respublikası, Belarus Respublikası, Qazaxıstan Respublikası, Qırğız Respublikası, Rusiya Federasiyası, Tacikistan Respublikası, Özbəkistan Respublikası, Gürcüstan, Ermənistan Respublikasının dəmir yolu administrasiyalarının səlahiyyətli nümayəndələri iştirak ediblər.
İclasın yekunları üzrə bütün dəmir yolu idarələri tərəfindən qərarlar qəbul edilib. Bu qərarlara təsdiq edilmiş qatar cədvəlinə əməl olunmasını təmin etmək, yük qatarlarının formalaşdırılması üzrə beynəlxalq plana uyğun olaraq 2024/2025-ci illər üçün beynəlxalq ixtisaslaşdırılmış qatarlardan istifadə, dəmir yolu idarələri tərəfindən müəyyən edilmiş standartların yerinə yetirilməsi üçün tədbirlər görmək, artan çəki və uzunluqlu yük qatarlarının sayını artırmaq, yük qatarlarının dövlətlərarası qovşaqlara gözlənilən gəlişi və qatarların işinin razılaşdırılmış növbə-gündəlik planının yerinə yetirilməsi barədə məlumatın obyektiv və vaxtında verilməsinə nail olmaq məsələləri daxildir.
Müstəqil Dövlətlər Birliyinə üzv dövlətlərin, Gürcüstanın, Latviya Respublikasının, Litva Respublikasının və Estoniya Respublikasının dəmir yolu nəqliyyatı ilə yüklərin daşınmasının planlaşdırılması Qaydasına uyğun olaraq, birləşdirilmiş daşıma planları layihələrinin təhvil verilməsi müddətlərinə riayət olunması da qərara alınıb.
Bununla yanaşı, bütün texnoloji standartların, o cümlədən qatar kompozisiyalarının emalı standartlarının, lokomotivlərin və lokomotiv heyətlərinin dövriyyəsinin əlaqələndirilməsi məsələlərinə xüsusi diqqət yetirilməsi üzrə tədbirlər görüləcək. İşçi qrupu innovativ vaqonların istismarına qoyulan məhdudiyyətlərin aradan qaldırılması imkanlarını da nəzərdən keçirəcək.
İclasda, həmçinin II Dünya müharibəsi illərində dəmiryolçuların qəhrəmanlığı haqqında nəqliyyat müəssisələri rəhbərlərinin çıxışları dinlənilib.
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq












