Media nümayəndələri üçün ekstremal şəraitdə sürücülük təlimi keçirilib - FOTOLAR

Anadolu Agentliyinin, Türkiyə Polis Akademiyasının, Türk Əməkdaşlıq və Koordinasiya Agentliyinin (TİKA) təşkilatçılığı ilə Ankarada keçirilən “Müharibə dövründə jurnalistika” təlimlərində bir həftə yekunlaşıb.
Avtosfer.az xəbər verir ki, iyulun 7-də media nümayəndələri üçün nəqliyyat vasitələrinin təhlükəsizliyi və ekstremal şəraitdə sürücülük təlimi keçirilib. Belə ki, təlim riskli sürüşmə vəziyyətlərində düzgün reaksiyaların verilməsi, ani və fərqli situasiyalarda baş verə biləcək neqativ halların qarşısının alınması dərslərindən, habelə sürücü bacarıqlarını inkişaf etdirməyə, media nümayəndələrinin istifadə etdikləri nəqliyyat vasitələrini daha yaxşı idarəetməyə imkan verən üsullardan ibarət olub. Media nümayəndələri, həmçinin dərsdə təlim maşınlarından istifadə edərək hərəkət həddini və dinamikasını öyrənib, sürüşkən, ani maneələrin olduğu yollarda avtomobilləri sürərək qarşıya qoyulan tapşırıqları icra ediblər.
Qeyd edək ki, təlimlərdə 10-u Anadolu Agentliyinin əməkdaşı, 15-i isə Azərbaycan, Qazaxıstan, Özbəkistan, Tacikistan, Gürcüstan, İraq və Qırğızıstandan olmaqla 25 media nümayəndəsi iştirak edir. Azərbaycandan bu təlimlərə 4 nəfər media nümayəndəsi, o cümlədən “Azərtac”ın müxbiri, Vətən müharibəsinin iştirakçısı Elmir Səftərov da qatılıb. Təlimlərin məqsədi müharibələr, təbii fəlakətlər və fövqəladə vəziyyətlər zamanı fəaliyyət göstərən müxbirlərin hazırlanmasına dəstək verməkdir. Media nümayəndələri 12 gün ərzində ümumilikdə 26 istiqamət, o cümlədən jurnalistika, şəxsi təhlükəsizlik, müharibə qanunları, ilk tibbi yardımın göstərilməsi, qabaqcıl sürücülük texnikalarından istifadə, suda sağ qalma, kimyəvi və bioloji hücumlardan qorunma, fövqəladə vəziyyətlərdə fəaliyyət, media idarəçiliyi və digər mövzulardan ibarət təlimlərdə iştirak edəcəklər.
Təlimləri uğurla başa vuran media nümayəndələri beynəlxalq səviyyədə tanınan “Hərbi jurnalistika sertifikatı” ilə təltif olunacaqlar.



Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA












