Məhkumların qeydiyyatdan çıxarılması üçün olan əsaslar artırılıb

Məhkumların qeydiyyatdan çıxarılması üçün olan əsaslar artırılıb.

Bununla bağlı Azərbaycan Respublikasının Ədliyyə Nazirliyi Kollegiyasının qərarı ilə təsdiq edilmiş “Müəyyən vəzifə tutma və ya müəyyən fəaliyyətlə məşğul olma hüququndan məhrum etmə növündə cəzanın icrası Qaydaları”na dəyişiklik edilib.

Dəyişikliyə əsasən, icra məmuru məhkum zərərçəkmiş şəxslə barışmaqla, cinayət nəticəsində vurulmuş ziyanı və ya əldə edilmiş gəliri tamamilə ödəməklə bağlı cəza çəkməkdən azad edildikdə məhkumu qeydiyyatdan çıxaracaq.

Eyni zamanda, məhkumun zərərçəkmiş şəxslə barışmaqla, cinayət nəticəsində vurulmuş ziyanı və ya əldə edilmiş gəliri tamamilə ödəməklə bağlı cəza çəkməkdən azad edilməsi barədə məhkəmə qərarının surəti məhkumu qeydiyyatdan çıxarmağa əsas verəcək.