"Melissa Group"un ekskavatorçusu barəsində həbs qərarı verildi

Alatavada qanunsuz söküntü işləri ilə bağlı saxlanılan “Melissa Group” tikinti şirkətinin əməkdaşı, ekskavotorun sürücüsü Qala Eynullayevlə bağlı məhkəməyə təqdimat daxil olub.

Avtosfer.az xəbər verir ki, təqdimata Xətai Rayon Məhkəməsində hakim Aygün Həsənovanın sədrliyi ilə baxılıb.

İstintaq orqanının təqdimatı təmin olunub və qərar qəbul olunub. Qərara əsasən, təqsirləndirilən şəxs barəsində 1 ay müddətinə həbs-qətimkan tədbiri seçilib.

Qeyd edək ki, təqsirləndirilən şəxsə Cinayət Məcəlləsinin 186.2.2-ci (Əmlakı qəsdən məhv etmə və ya zədələmə, yandırmaqla, partlatmaqla və ya başqa ümumi təhlükəli üsulla törədildikdə və ya ağır nəticələrə səbəb olduqda) maddələri ilə ittiham irəli sürülüb.