Meqazəlzələdə 298 min nəfər ölə bilər – EHTİMAL

Meqazəlzələ baş verəcəyi təqdirdə 298 min nəfər ölə, 2 trilyard dollarlıq maddi zərər yarana bilər.  

Avtosfer.az xəbər verir ki, bu barədə Yaponiya hökumətinin proqnozunda bildirilib. Halbuki, 2014-cü ilin proqnozunda ölü sayı 313 min nəfər idi.
Tədqiqatlar göstərir ki, dənizaltı Nankay çökəkliyi boyunca 800 km uzanan fay xəttindəki sualtı tektonik lay tədricən yerini dəyişir. Layların yerdəyişməsi bloklanacağı təqdirdə böyük enerji ayrılaraq zəlzələ və sunamiyə səbəb olacaq. İşçi qrupun ehtimalına görə 215 min nəfər sunamidən, 73 min nəfər binaların çökməsindən, 9000 nəfər isə yanğından həuatını itirəcək. 

Zəlzənəni proqnozlaşdırmaq çox çətindir. Lakin son 1400 illik tarixi araşdırdıqda məlum olub ki, Gündoğar ölkədə hər 100-200 ildə 1 meqazəlzələ olur. Axırıncı meqazəlzələ 1946-cı ildə baş verib. Dekabrın 21-də 8,4 maqnitudalı yeraltı təkanlar 1362 nəfərin ölümünə, 2000 nəfərin xəsarət almasna səbəb olmuşdu.

Vüqar