Məşhur saç boyasının tərkibində sonsuzluğa səbəb olan maddə tapıldı

Çexiya bazarında "Schwarzkopf Palette" və "Syoss Professional Performance" saç boyalarının tərkibində Avropa İttifaqında (Aİ) qadağan olunmuş lilial maddəsi tapılıb.
Avtosfer.az-ın Oxu.az-a istinadən xəbərinə görə, bu barədə Çexiya Səhiyyə Nazirliyi bəyanat verib.
Məqalədə Çexiyanın baş sanitar həkimi Barbara Matskovanın lilialın reproduktiv sistem üçün toksiki olması ilə bağlı sözlərindən sitat gətirilib. Bildirilib ki, bu da heyvanlarda aparılan araşdırmalarla təsdiqlənib.
Matskovanın sözlərinə görə, bu maddənin istifadəsi insan sağlamlığı üçün təhlükə yaradır.
Lilial və ya butilfenil metilpropionaldan istifadəyə Aİ-də 2022-ci il martın 1-dən qadağa qoyulub. Bu andan etibarən maddə kosmetik məhsulların istehsalı üçün tərkib hissəsi kimi istifadə edilə bilməz.
Eyni zamanda, liliala təkcə saç boyalarında deyil, həmçinin sabunlar, losyonlar, ətirlər, əl kremləri, o cümlədən ətirli şamlar, hava təravətləndiriciləri və paltar üçün kondisionerlərdə də rast gəlinə bilər.
İstehlakçılara satın alınan məhsulların qablaşdırmasında bu maddənin olub-olmamasını diqqətlə yoxlamaq və aşkar etdikləri təqdirdə, satın almaqdan imtina etmək tövsiyə olunur.
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq












