Metroda məsafəyə görə ödəniş tətbiqi - Sakinlər nə düşünür? - SORĞU

"Bakı Metropoliteni"nin gediş haqqı sistemində differensial qaydada ödəniş üsullarının tətbiq edilməsi gələcəkdə nəzərdə tutula bilər. Metroda gedilən məsafəyə uyğun ödəniş sistemi tətbiq oluna biləcəyi ilə bağlı məlumatlar sosial şəbəkələrdə geniş müzakirə olunur. Avtosfer.az xəbər verir ki, bu barədə "Redaktor.az" şəhər sakinləri arasında sorğu keçirib. Paytaxt sakinlərinin bu məsələ ilə bağlı fikirləri isə fərqlidir.
Sakinlərin bir qismi belə yeniliyi tamamilə lazımsız hesab edir:
"Bu, çox lazımsız qərardır. Gündə bir şey çıxarırlar, qoymurlar sakit başla həyatımızı yaşayaq. Onsuz da hər şey bahalaşıb, indi də metronu hesablamaq qalırdı?" - deyə vətəndaşlardan biri etirazını bildirib.
Şəhər sakini olan ibtidai sinif müəlliməsi isə məsafəyə görə ödəniş sistemini müəyyən şərtlərlə dəstəkləyir:
"Əgər belə olacaqsa, minimum qiymət qoysunlar. Məsələn, 30 qəpik. Mən 20 Yanvardan İnşaatçılara gedirəmsə, niyə 60 qəpik verim? Elə 20-30 qəpik verim, mənə də xeyir. Uzun yol gedən ödəsin, amma qısa məsafələrə endirim olsun”.
"Qərar verəndə xalqı da düşünmək lazımdır"
Bəzi sakinlər isə bu sistemin xüsusilə sosial həssas qruplara əlavə yük yaradacağını düşünür:
"Mən pensiyaçı adamam. Bəzən 10-12 stansiya fərqi ilə qohumgilə gedirəm. Bu yeni sistem çıxsa, mənim xərcim artacaq. Qərar verəndə xalqı da düşünmək lazımdır. Hamının imkanı eyni deyil axı".
"Tələbələri də düşünün"
Universitet tələbəsi bildirdi ki, məsafəyə görə ödəniş onun üçün çətinlik yaradacaq: "Hər gün dərsə gedəndə həm avtobusdan, həm metrodan istifadə edirəm. Metroda gediş haqqını məsafəyə görə qaldırsalar mənə çox çətin olacaq. "Əhmədli"dən "Elmlər"ə kimi yəqin ki, qiymət bahalaşacaq. Ona görə də mən belə bir şeyin əleyhinəyəm. Heç olmasa tələbələri də düşünün".
İlham Əliyevin sosial şəbəkə hesablarına kiberhücumlar müşahidə olunur
Prezident İlham Əliyev televiziya və radio işçilərini təbrik edib
Prezident İlham Əliyev Mahmud Abbası təbrik edib
“Kəndlərdə əkin-biçin sahəsi qalmayıb, hamısı...” – Ekspert tıxacların səbəbindən danışdı
ABŞ və müttəfiqləri Çinin Yaxın Şərqdəki məsələlərdə vasitəçi olmasını niyə istəmir? – POLİTOLOQ
Prezident İlham Əliyevin İrlandiyaya işgüzar səfəri başa çatıb
Braziliyada rus dizelinə maraq göstərilmədi
Dublin görüşünün pərdəarxası: Bakı və İrəvan hansı razılaşmalara yaxınlaşır? - RƏY
Avropa ilə yeni əməkdaşlıq, Ermənistanla sülh: Dublində nələr müzakirə olundu? – AÇIQLAMA
Azərbaycanın qaz ixracında yeni hədəf: Avropaya nə qədər qaz satılacaq?
Britaniya ilə əməkdaşlıqda yeni hədəflər: Azərbaycan Avrasiyanın tranzit mərkəzinə çevrilir? – ŞƏRH












