Millət vəkili: “Belə olsa vətəndaşlar sandıqdakı pulları çıxaracaqlar”

“Dövlət Neft Fondunda olan vəsaitlərin bir hissəsi də banklarda saxlanmalıdır. Dövlət öz vəsaitlərini xarici banklarda saxlayır, yerli banklara etimad göstərmir. Bu zaman vətəndaş niyə yerli banklara etimad etsin?!” 

“Avtosfer.az” xəbər verir ki, bunu deputat Qüdrət Həsənquliyev bu gün keçirilən iclasda deyib. 

Onun sözlərinə görə, bu zaman vətəndaşların aşağı faizli kreditlərə də çıxışı olacaq: “Belə halda bizim vətəndaşlarımız sandıqda saxladıqları pulları çıxaracaqlar. Yenə də qeyd edirəm əsas məsələnin kökü öyrənilməlidir. Bizim banklar niyə bağlanır?! Bunun səbəbləri araşdırılmalıdır”.