Müfəttişi saymadı, maşını üstünə sürdü - VİDEO

Qanunsuz sərnişindaşıma ilə məşğul olan sürücülərə qarşı reydlər davam edir. Növbəti reyd Şamaxıda baş tutub. Reyddə gərgin anlar yaşanıb. Reyd zamanı bir sıra qayda pozuntusuna rast gəlinib. Bəzi sürücülərin nəqliyyat vasitəsini sənədsiz idarə etməsi məlum olub.

Dövlət Avtomobil Nəqliyyat Xidmətinin Şamaxı Regional Şöbəsinin əməkdaşlarının keçirdiyi reyd zamanı bir sıra qayda pozuntusu aşkar edilib. Qayda pozuntusuna yol verən sürücülər cəzalandırılıb. Bunlardan bir qismi yerindəcə cərimələnib, bir neçə avtomobil cərimə meydançasına aparılıb. Bəzi sürücülər vəzifəsini yerinə yetirən məmurlarla mübahisə etməkdən çəkinməyiblər. Elələləri də olub ki, göz görə-görə sərnişin daşımadığını iddia edib.  

Reyd zamanı həyacanlı anların da şahidi olduq. Saxla əmrinə tabe olmayan sürücülərdən biri avtomobili müfəttişlərin üzərinə sürməkdən çəkinməyib. Cəzaya qarşı daha aqressiv reaksiya verən bəzi sürücülər isə reydi işıqlandırmaq üçün ərazidə çəkiliş aparan əməkdaşlarımıza mane olmağa çalışıblar. Belə reydlərin davamlı surətdə aparılacağı nəzərdə tutulur.