Narkotik satanlara qarşı əməliyat : 3 kilo heroin, metamfetamin...

Daxili İşlər Nazirliyinin əməkdaşlarının keçirdikləri əməliyyat axtarış tədbirləri nəticəsində külli miqdarda narkotik vasitələr aşkarlanıb. Nazirlikdən Avtosfer.az-a verilən məlumata görə, Ağcabədi RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Avşar kənd sakini, əvvəllər məhkum olunmuş M. Quliyev 4 qrama yaxın metamfetamini satarkən cinayət başında yaxalanıb. Polis əməkdaşlarının onun yaşadığı evdə keçirdikləri əməliyyat-axtarış tədbirləri zamanı oradan 1 kiloqram 815 qram heroin də aşkar edilərək götürülüb.

Baş Narkotiklərlə Mübarizə İdarəsi əməkdaşlarının daxil olmuş məlumat əsasında Nəsimi rayonu ərazisində keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Kürdəmir rayon sakini, əvvəllər məhkum olunmuş T.Məmmədov tutulub.  Şəxsi axtarış zamanı ondan 5 qrama yaxın marixuana, 1 kiloqram heroin və 101 qrama yaxın metamfetamin aşkar edilərək götürülüb.

Orxan