“Neftçi”nin “avtoş” futbolçusu cəzalandırıldı

AFFA İntizam Komitəsinin növbəti iclası keçirilib. İclasda bir sıra məsələlərə baxılıb. Adı avtoxuliqanlıqda hallandırılan “Neftçi” klubunun 7 nömrəli futbolçusu Araz Abdullayev də iclasda cəzalandırılanlar siyahısına salınıb. Futbolçu Topaz Premyer Liqasının XXXI turunun “Neftçi” – “Sumqayıt” matçındakı hərəkətinə görə cəzalandırılıb. Belə ki, oyunun 90+2-ci dəqiqəsində “Neftçi” klubunun 7 №-li futbolçusu Araz Abdullayev azarkeşləri təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb, klub 2000 manat cərimə olunub.

Qeyd edək ki, Araz Abdullayev “Avtoş” futbolçu kimi ad çıxarıb. O, ötən il yüksək sürətlə idarə etdiyi avtomobili ilə Bakıda ağır yol-nəqliyyat hadisəsi törətmiş, bir neçə nəfəri vurmuşdu.