Nəqliyyat qoçuları taksini qovub qəza törətdilər
Gündəm
23 İyun 2014 11:47
Oxunub 1875
Nəqliyyat işçilərindən canını qurtarmağa çalışan taksi sürücüsü onların maşınını vurub yoldan çıxırıb
Bu gün saat 19-20 radələrində Müşfiq qəsəbəsi ərazisində yol qəzası baş verib. Avtosfer.az-ın hadisə yerində olan əməkdaşının verdiyi məlumata görə, «Mersedes» markalı minik maşını Nəqliyyat Nazirliyinin Nəqliyyat Departamentinə məxsus avtomobillə toqquşub. Nəticədə nəqliyyat işçilərinin olduğu avtomobil yoldan çıxaraq səkiyə çırpılıb. «Mersedes»in isə ön tərəfi əzilib. Hadisə yerinə gələn yol polisi əməkdaşları hər iki avtomobili cərimə meydançasına aparıblar.
Hadisə yerində olan şahidlərin Avtosfer.az-ın əməkdaşına bildirdiyinə görə, «Mersedes»in sürücüsü taksi fəaliyyəti ilə məşğul olur. Qəza baş verərkən avtomobilin üzərində «taksi» nişanı da olub. Nəqliyyat qoçuları isə onu saxlatmaq istəyərkən sürücü saxlamayıb. Yolboyu bir-birinı «sıxmağa» başlayan avtomobillər digər nəqliyyat vasitələrinə qəza şəraiti yaradıblar. Nəhayət, «Mersedes»in sürücüsü onun qarşısına keçən və nəqliyyat işçilərinə məxsus «Fiat» markalı avtomobili arxadan vurub. Nəticədə, «Fiat» yoldan çıxaraq səkiyə çırpılıb. Qəza zamanı avtomobildə olanların yüngül xəsarət aldığı bildirilir. Avtomobillərə də az ziyan dəyib.
ŞƏRH YAZ
ilham 10 Noyabr 2014 22:55
neqliyyat qocularina dur deyen tapilacaqmi.
ilham 10 Noyabr 2014 22:55
neqliyyat qoculariina himaye eden dogrudanmi azerbaycan dovletinin menafeyinden yuksekde durur. onlara bu sraiti yaradan hansi uvvedirse bu xalqa xidmet etmir.
DİGƏR XƏBƏRLƏR
