Orta qapıdan sərnişin mindirən avtobus sürücüləri cərimə olunur?

Avtobuslarda sərnişinlərin hər zaman qarşılaşdığı bir problem var. Bəzi sürücülər ön qapı dolduqda sərnişinlərin minməsi üçün orta və arxa qapını açırlar. Geri qalanlar isə qanuni səbəblərlə, cərimə tətbiq oluna biləcəyini əsas gətirərək orta və arxa qapını açmırlar.

Sürücülər sərnişinlərin minməsi üçün orta və arxa qapıları açdıqda qanuna əsasən cərimə olunurlarmı?

Avtosfer.az-ın məlumatına görə, "Redaktor.az"a açıqlama verən nəqliyyat eksperti Eldəniz Cəfərov bildirdi ki, qaydalara görə sərnişin ön qapıdan daxil olub ödəniş edib arxaya tərəf irəliləməlidir:

"Sıxlıq olanda bəzən sərnişinə güzəşt edilməsi yaxşı olardı. Cərimə məsələsi qanunda yoxdur, ola bilər ki, şirkətin öz daxili nizam-intizam qaydalarına görə belədir".