Ov mövsümünün başlanmamasının səbəbi açıqlanıb

Ov mövsümünün açılmamasının səbəbi ötənilki nəticələrdir.

Avtosfer.az xəbər verir ki, bunu Bioloji Müxtəlifliyin Qorunması Xidmətinin rəis müavini Arzu Babayeva Ekologiya və Təbii Sərvətlər Nazirliyinin rəsmi feysbuk səhifəsində canlı yayımlanan “Ekspert saatı”nda deyib.

“Müəyyən heyvan və quşların sayında azalmalar müşahidə olunur. Hazırda növlərin monitorinqi, müşahidələr aparılır. Quşların marşrutunda dəyişikliklər olur, su-bataqlıq arealı quruyur. Bu tendensiyaya bütün dünyada rast gəlinir. Bu il bu müddət nəzarətə götürülmüş müddətdir. Nazirliyin mövqeyi təbii ki, heyvanların, quşların qorunaraq onların gələcək nəsillərə çatdırılmasından ibarətdir. Sayımlar elm adamları tərəfindən aparılır”, - deyə o bildirib.