Pandemiyadan sonra həyatımızda nə dəyişəcək? - Bill Qeyts açıqladı

 “İş səyahətlərinizi, əvvəlki ofis həyatınızı unudun”.

“Qafqazinfo” xəbər verir ki, bu proqnozla “Microsoft”un yaradıcısı Bill Qeyts “The New York Times”ın təşkil etdiyi DealBook Konfransında jurnalistlərin suallarını cavablandıran zaman bildirib.

Qeytsin sözlərinə görə, pandemiyadan sonra belə həyat əvvəlki kimi olmayacaq. Onun proqnozuna görə, iş səyahətlərinin 50 faizi, ofisdən işləmə prosesinin 30 faizindən çoxu bu il ərzində mümkünsüz olacaq.

“Epidemiyanın iş dünyasında edəcəyi ən böyük dəyişikliklərdən biri işgüzar səfərlərin təxirə salınması, eləcə də xəstəliyin aradan qalxacağı təqdirdə belə köklü dəyişikliklərin həyatımıza təsirsiz ötüşməyəcəyi olacaq. İşgüzar səfərlər fiziki olaraq başqasının qarşısında oturmaq və üz-üzə müzakirə etmək üçün səyahətin vacib olduğu bir meyar sayılmayacaq”, - deyə Qeyts bildirib.