Paytaxt nəqliyyatından şikayət var - Dözülməz vəziyyət yaranıb

Son zamanlar tıxaclarla bağlı yaşanan problemlər bitmək bilmir. Lakin problem yalnız tıxac deyil, həm də nəqliyyat vasitələrinin yararsız olmasıdır. Paytaxt nəqliyyatından sərnişinlər şikayət edirlər.
Onlar Zabrat 1 qəsəbəsi istiqamətində hərəkət edən 118 a, b marşrut avtobuslarının fəaliyyətindən narazıdırlar.
“Zabrat 1 qəsəbəsinə işləyən 118 a, b avtobuslarının texniki və sanitar vəziyyəti dözülməzdir. Eyni zamanda bu marşrutlarda hələ də sürücü gediş haqqını şəxsən toplayır. Bu halda isə onun diqqəti yoldan yayınır”.
Bunu açıqlamasında həmin qəsəbədə yerləşən 192 saylı tam orta məktəbin müəllimi Kamal Hacıyev deyib.
Onun sözlərinə görə, bütün nəqliyyat sistemində tətbiq edilən kartlar və ya “Birbank”la ödəniş sistemi hələ də bu marşrutlarda yoxdur:“Bəzən avtobuslar bir dayanacaqda 10-15 dəqiqə saxlayaraq müştəri gözləyir. Məktəbə, işə tələsən müəllim və şagirdlər vaxtında mənzil başına çata bilmirlər. Bəzi sürücülər salonda siqaret çəkir, çay-qəhvə içə -içə sükanı idarə edirlər. Həqiqətən çox dözülməz vəziyyət yaranıb. Xahişimiz və tələbimiz odur ki, bu istiqamət üzrə nəzarət olunsun və xəttə kartla işləyən yeni “Bakubus” avtobusları buraxılsın. Fikrimcə, kart sisteminin tədbiqi bu nüansların aradan qaldırılmasında kömək ola bilər”-deyə, o, bildirib.
(adalet.az)
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA
Rayon yollarında təhlükə yaradan 3 əsas amil hansılardır? – MÜTƏXƏSSİS
Bu yollarda tıxac var - SİYAHI
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO












