Paytaxtın bu küçəsində yol qazılıb, nişan yoxdur - Sürücülər ziyana düşür - VİDEO

Paytaxtın Yasamal rayonu, Mikayıl Müşfiq küçəsində (“Qurd Qapısı” istiqamətində) təmir işləri aparılır. 

Avtosfer.az-ın məlumatına görə, bir müddət öncə başlayan təmir prosesi sürücülərin haqlı narazılığına səbəb olub. Belə ki, sözügedən ərazidə heç bir xəbərdarlıq nişanı qoyulmayıb. Nəticədə yoldan keçən sürücülər avtomobillərinə maddi zərər dəydiyini, xüsusilə gecə saatlarında yaranmış vəziyyətin ikiqat təhlükəli hal aldığını bildirirlər. 

Xatırladaq ki, yolda hər hansı işlər  aparılarkən “yol işləri” nişanından istifadə olunmalıdır. Nəticədə nişanı görən sürücülər ərazidə təmir işlərinin aparıldığını bilərək daha ehtiyatlı davrana bilərlər.

Nərmin