Polis avtobusu partladıldı: xəsarət alanlar var - FOTO-VİDEO

Türkiyənin Mardin şəhərinin Qızıltəpə qəsəbəsində polisləri işə aparan avtobusda 15 nəfərin yaralanması ilə nəticələnən partlayış baş verib. Yaralılardan 8 nəfəri polis əməkdaşıdır. Partlayıcı qurğunun polis avtobusu körpüdən keçərkən işə salındığı bildirilir. Partlayış zamanı polis avtobusu ilə yanaşı ətrafdakı binalara da ziyan dəyib. Bəzi binalarda yanğın baş verib. Əraziyə cəlb olunan yanğınsöndürənlər alovun digər binalara keçməsinin qarşısını alıblar. 15 nəfərinin hamısı qəsəbə xəstəxanasına yerləşdirilib.

Partlayış zamanı ətrafa səpələnən şüşə qırıqlarının yaxınlıqda olan insanlara dəyməsi yaralı sayını artıra bilər. Hadisədən sonra polis qəsəbədə və onun ətrafında əməliyyatlara başlayıb. Bundan başqa Tuncəli şəhərinin Nazimiyə qəsəbəsində PKK terrorçuları polis idarəsinin binasına iri çaplı silahlarla hücum ediblər. Silahılar 2 avtomobillə Polis İdarəsinin qarşısına gələrək binaya atəş açmağa başlayıblar. 

Polislə terrorçular arasında yarım saat davam edən atışmada 1 polis şəhid olub, 2 terrorçu isə məhv edilib. Qəsəbəyə giriş-çıxış qeyri-müəyyən vaxta qədər qadağan edilib.

PKK ilə davam edən 2 illik atəşkəsdən sonra başlayan silahlı hücumlar artıq 2 aydır ki, davam edir. Atəşkəs 2 polisin terrorçular tərəfindən öldürülməsindən sonra pozulub. Atışmadan sonra bölgəyə hücum helikopterləri göndərilib. Terrorçuların qaçdığı bölgə bombalanır.

anspress