Polislər sərnişin kimi avtobuslara minib sürücüləri YOXLAYACAQ

Türkiyənin Daxili İşlər naziri Ali Yerlikaya Ramazan Bayramı ərəfəsində avtobus sürücülərinin nəzarətdə saxlanılması üçün xüsusi tədbir görüldüyünü açıqlayıb.

Avtosfer.az xəbər verir ki, Nazir bildirib ki, 636 polis və 84 jandarma əməkdaşı olmaqla ümumilikdə 720 nəfər mülki geyimdə sərnişin kimi avtobuslara minib sürücüləri müşahidə edəcək. Onlar yolboyu sürücülərin qaydalara əməl edib-etmədiklərini yoxlayacaqlar. "Bayram tətillərinə gedən vətəndaşlarımızın ailələrinə sağ-salamat qovuşması üçün bu tədbiri həyata keçiririk. Sürət həddini aşmayaq, təhlükəsizlik kəmərlərimizi bağlamağı unutmayaq. Yol səfərləri sevdiklərinizə qovuşmaq üçündür, onlardan ayrılmaq üçün deyil", – deyə Yerlikaya qeyd edib (redaktor.az).