Prospektdə “uşaq başı aldadan" sürücülər - VİDEO

Paytaxtın artıq bir çox iri küçə və prospektlərində avtobus zolaqları qurulub və bu proses hələ də davam etdirilir.

Avtosfer.az xəbər verir ki, sürücülərin əksəriyyəti avtobus zolağında hərəkət etməməyi vərdiş etdikləri halda, hələ də müəyyən küçələrdə bu cür qayda pozuntularına rast gəlmək mümkündür.

Mikayıl Useynov prospekti belə qayda pozuntularının tez-tez təkrarlandığı əsas ünvana çevrilib. Sürücülər avtobuslar üçün ayrılmış zolaqla nəzarət kameralarının yaxınlığına qədər irəliləyib daha sonra öz zolaqlarına keçməyə cəhd edirlər. Bu da həmin küçədə uzunmüddətli tıxaclarla nəticələnir.

Adiyyəti qurumların məsələni nəzarətə götürmələri üçün isə bu kameralar vasitəsilə prospektin daim izlənməsi kifayət edir.

Səfər Əlizadə