Qadın minaaxtaranlar tərəfindən indiyədək 600 hektardan çox ərazi təmizlənib - Ramil Əzizov

2023-cü ildən etibarən qadınlardan ibarət minatəmizləmə qrupları işğaldan azad edilmiş ərazilərdə minatəmizləmə fəaliyyətinə cəlb olunub. Onlar əvvəlcə Ağdam rayonu ərazisində, hazırda isə Ağdərə rayonunun Talış kəndi ərazisində minatəmizləmə əməliyyatlarında iştirak edirlər.

Avtosfer.az xəbər verir ki, bu barədə AZƏRTAC-a məxsusi müsahibəsində Azərbaycan Respublikası Minatəmizləmə Agentliyinin Maarifləndirmə və zərərçəkənlərlə iş şöbəsinin müdiri Ramil Əzizov məlumat verib.

O qeyd edib ki, hazırda 18 qadın minaaxtaran və 2 qadın paramedik fəaliyyət göstərir: “Qadın minaaxtaranlar tərəfindən indiyədək 600 hektardan çox ərazi minalardan təmizlənib, 550 ədəd mina və partlamamış hərbi sursat aşkarlanıb. Minaaxtaran qadınlarla yanaşı, minaaxtaran it bələdçisi xanımlar da fəaliyyətə cəlb olunub”.