Qanunsuz balıq ovlayan şəxs 1000 manat məbləğində cərimələnib

Dövlət Ekoloji Təhlükəsizlik Xidmətinin əməkdaşlarının keçirdikləri nəzarət tədbirləri zamanı İmişli rayonunun Bəhrəmtəpə qəsəbəsi ərazisindəki təbii sututarında qanunsuz balıq ovlayan şəxs saxlanılıb. Bunu Avtosfer.az-a xidmətin rəis müavini Bəhruz Məhəmmədov deyib.

“Araşdırma zamanı qanun pozucusunun Bəhrəmtəpə qəsəbə sakini Ramal Mirzəyev olduğu məlum olub. Ondan istifadəsi qadağan olunan ov alətləri, müxtəlif növ balıqlar götürülüb.

Faktla bağlı R.Mirzəyev barəsində protokol tərtib edilib və o, 1000 manat məbləğində cərimələnib”,- deyə B.Məhəmmədov bildirib.