Qatarı Sumqayıt əvəzinə Siyəzənə «göndərən» sərnişin üzr istədi - FOTO

SİA-nın elektron poçtuna maraqlı məlumat daxil olub. Asif Niftəliyev adlı Bakı-Sumqayıt qatarının sərnişini bizə ünvanladığı məktubu olduğu kimi dərc edirik: «"20 sentyabr 2015-ci ildə sosial şəbəkələrdə “Yolu səhv saldı, Siyəzənə getdik...” başlıqlı yazım geniş müzakirələrə səbəb olub.

Bu gün “Azərbaycan Dəmir Yolları” QSC-yə dəvət olundum və  mənə Bakı-Sumqayıt marşrutu ilə hərəkət edən elektrik qatarlarının hərəkət xətti barədə ətraflı məlumat verildi. Səhvimi anladım, elektrik qatarının həqiqətən də Sumqayıt sərnişin stansiyasına getdiyinə əmin oldum və öz statusumda səhvimi etiraf etdim. 23.09.2015 tarixində məni 19.09.2015 tarixində Bakı-Sumqayıt qatarı haqqında paylaşdığım statusla əlaqədar “Azərbaycan Dəmir Yolları” QSC dəvət elədilər və həmin gün qatarın getdiyi güzərgahı bütün təfərrüatı ilə göstərdilər və mənə aydın oldu ki, mənim Siyəzən sandığım stansiya əslində Sumqayıt Baş Stansiyası olub. Orada qatarın 15 dəqiqə dayanmağının səbəbini maşinistin yer dəyişməsi üçün keçən müddət olduğunu bildirdilər. Bundan sonra isə qatar Sumqayıt sərnişin stansiyasına gəlib. Buna görə “Azərbaycan Dəmir Yolları” QSC-dən üzr istəyirəm”.