Qaxda yanğın: bir nəfər yaralandı

Qax rayonunda mağazada yanğın hadisəsi baş verib.

Bu barədə Fövqəladə Hallar Nazirliyi məlumat yayıb.

Qax rayonunda ümumi sahəsi 400 kvadrat metr olan mağazanın zirzəmisində karton taralar 5 kvadrat metr sahədə yanıb.

Yanğın zamanı müxtəlif xəsarətlər alan bir nəfər yanğınsöndürənlər tərəfindən xilas edilərək aidiyyəti üzrə təhvil verilib.

Mağaza yanğından mühafizə olunub. Alov yanğından mühafizə bölmələri tərəfindən söndürülüb.