Qeydiyyatdan təzə maşınla keçib köhnəni sürənlərə ağır cəza - Nazir müavini AÇIQLADI

Son günlər taksi sürücülərinin ünvana köhnə avtomobil ilə getməsi ilə bağlı məlumatlar daxil olur. Avtosfer.az xəbər verir ki, bunu Rəqəmsal İnkişaf və Nəqliyyat nazirinin müavini Rəhman Hümmətov deyib. O, bildirib ki, bugünə qədər 30-a yaxın belə fakt aşkarlanıb.

Rəhman Hümmətov onu da bildirib ki, bu faktlar üzrə müvafiq tədbirlər görülüb.

"Sürücülərə müraciət edərək bildiririk ki, bu cür faktlar ardıcıl olaraq davam etdikdə həmin şəxslərin lisenziyaları ləğv edilərək yenidən onlara bu imkan verilməyəcək."

Nazir müavini vətəndaşlara da müraciət edərək bu istiqamətdə müvafiq mövqe ifadə etməyə çağırıb." Təbii ki, ödədiyimiz məbləğ qarşılığında xidmət almalıyıq. Belə hallar aşkar etdikdə vətəndaş xidmətdən imtina etməli və müvafiq olaraq bu barədə məlumat verməlidir."