Qubada da avtobuslara qarşı reyd keçirildi – FOTO

Nəqliyyat Nazirliyi Dövlət Avtomobil Nəqliyyatı Xidməti tərəfindən paytaxtda və regionlarda qanunsuz sərnişindaşıma ilə məşğul olan sürücülərə qarşı keçirilən reydlər davam etdirilir. Nəqliyyat Nazirliyindən Avtosfer.az-a verilən məlumata görə, sentyabrın 18-də DANX-ın Quba Regional şöbəsi tərəfindən Quba şəhərində qanunsuz sərnişindaşıma fəaliyyəti göstərən daşıyıcıların qarşısının alınması məqsədilə növbəti reyd keçirilib.

Sərnişindaşıma qaydalarını pozan, qeyri-qanuni fəaliyyət göstərən sürücülər cərimə olunub. Yoxlamalar nəticəsində lisenziyasız fəaliyyət göstərərək, vergi ödəməkdən yayınan sürücülərə qarşı inzibati qaydada protokol tərtib edilib.

Qanunsuz yük və sərnişindaşıma ilə məşğul olan sürücülərin avtomobilləri cərimə meydançasına aparılıb. Qanunsuz fəaliyyəti göstərən sürücülərə qarşı reydlər bundan sonra da davam etdiriləcək.

Emin