Ramanada təhlükəli vəziyyət: Piyada və avtomobillər kanala düşə bilər - VİDEO

Paytaxtın Sabunçu rayonu, Ramana qəsəbəsində (Şuşa şəhərciyinə gedən yolda) təhlükəli vəziyyət yaranıb.

Bu barədə izləyicilərdən biri Avtosfer.az-a müraciət edərək foto və videomaterial göndərib. Görüntüdən aydın olduğu kimi, piyada və sürücülərin təhlükəsiz hərəkətini təmin etmək üçün səkiylə kanalı ayıran dəmir məhəccər qırılaraq aşıb.

Şikayətçinin sözlərinə görə, məhəccərin 4-5 ay öncə qırılmasına baxmayaraq aidiyyəti qurumlar tərəfindən hər hansı tədbir görülməyib. Eyni zamanda o, məktəblilərin səkidən mütəmadi olaraq istifadə etdiyini bildirib. Günün qaranlıq saatlarında isə təhlükə ikiqat artır.

Ümid edirik ki, uzun müddətdir yaranmış bu mənzərə qısa zamanda həllini tapacaq.

Nərmin