RSXM Xəzərdəki hadisə ilə bağlı məlumat yaydı

"Xəzər dənizindəki partlayışla bağlı ilkin ehtimal palçıq vulkanının püskürməsidir".

Avtosfer.az xəbər verir ki, bunu Respublika Seysmoloji Xidmət Mərkəzinin (RSXM) mətbuat xidmətinin rəhbəri Vüsalə Rafiqqızı deyib.

"Bununla bağlı artıq AMEA nəzdində RSXM -nin baş direktoru, AMEA-nın müxbir üzvü, professor Qurban Yetirmişli mətbuata açıqlama da verib. Baş verən hadisə ilə bağlı dövlət qurumları tərəfindən araşdırmalara başlanılıb və bu barədə ictimaiyyətə əlavə məlumat veriləcək", - deyə o qeyd edib. 

​Qeyd edək ki, daha əvvəl Q.Yetirmişli açıqlamasında Xəzər dənizində çoxlu sayda palçıq vulkanlarının mövcudluğunu deyib. Onun sözlərinə görə, Xəzər dənizində partlayışın alovla çıxması onu göstərir ki, bu, palçıq vulkanının püskürməsidir.