Rusiya XİN-dən helikopterin vurulması ilə bağlı AÇIQLAMA

Rusiya Xarici İşlər Nazirliyi Azərbaycan Xarici İşlər Nazirliyinin Rusiyanın Mi-24 hərbi helikopterinin vurulması nəticəsində baş verən faciəvi insidentlə bağlı bəyanatına münasibət bildirib.  APA-nın Moskva müxbirinin verdiyi xəbərə görə, Rusiya XİN-in Facebook səhifəsində yayılan məlumatda bildirilib: “Bakının öz günahını dərhal etiraf etməsi faktını müsbət qiymətləndiririk. Azərbaycan tərəfinin bu insidentin dərhal araşdırılacağı və günahkarların cəzalandırılacağı barədə verdiyi təminatları da qeyd edirik”.