Rusiyadan bir sıra müntəzəm beynəlxalq uçuşlar ləğv edilib

“Aeroflot” şirkəti Rusiyadan bir sıra müntəzəm beynəlxalq uçuşları ləğv edib.

APA-nın “RİA Novosti”yə istinadən məlumatına görə, bu barədə şirkətdən bildirilib.

Xəbərə görə, “Aeroflot” şirkəti bu qərarı mart-aprel aylarında koronavirus pandemiyası ilə əlaqədar davam edən məhdudiyyətlər səbəbindən verib. 

28 mart-30 aprel tarixlərində ləğv edilən reyslərə Moskvadan Bakıya uçuş da daxildir.