Rusiyaya gedən miqrantların RƏQƏMSAL PROFİLLƏRİ yaradılacaq

Rusiyaya daxil olan miqrantların statusuna nəzarəti asanlaşdırmaq üçün 30 iyun 2025-ci il tarixindən etibarən onların şəxsi və biometrik məlumatlarından ibarət rəqəmsal profil formalaşdırılmağa başlanılacaq.
Avtosfer.az “Report”a istinadən xəbər verir ki, iyunun 30-dan etibarən istənilən buraxılış məntəqəsindən Rusiyaya daxil olan xarici vətəndaşlar barmaq izlərini və fotoşəkillərini təqdim etməli olacaqlar. Bu məlumat həm də rəqəmsal profilin əsasını təşkil edəcək.
Rusiya Rəqəmsal İnkişaf Nazirliyinin verdiyi məlumata görə, əcnəbilər istədikləri təqdirdə özləri - RuID tətbiqində rəqəmsal profil yarada biləcəklər. Bu, eksperiment çərçivəsində hazırlanacaq əcnəbilər üçün dövlət xidmətlərinin analoqudur.
Orada Rusiyaya səfəriniz barədə məlumat verə və ölkədə xidmətlər ala bilərsiniz, məsələn, tibbi sığorta üçün müraciət edə və ya Daxili İşlər Nazirliyində qeydiyyatdan keçə bilərsiniz.
Dəyişikliklər Belarus vətəndaşlarına, altı yaşına çatmamış uşaqlara, xarici dövlətlərin Rusiyadakı diplomatik nümayəndəliklərinin və konsulluq idarələrinin diplomatlarına və əməkdaşlarına, habelə onların ailə üzvlərinə, beynəlxalq təşkilatların və onların Rusiya Federasiyasında akkreditə olunmuş nümayəndəliklərinin əməkdaşlarına və onların ailə üzvləri şamil edilməyəcək.
Rusiya Təhlükəsizlik Şurasının sədr müavini Dmitri Medvedev vurğulayıb ki, Rusiya hakimiyyəti miqrantların ölkəyə daxil olmasına və onların gələcək hərəkətinə ən müasir texnologiyalar əsasında aydın şəkildə nəzarət etməlidir.
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












