Rusların "arvad" etdiyi erməni sürücü uddu - FOTO

Moskvada məhkəməyə qadın xalatında gətirilən Ermənistan vətəndaşı Qraç Arutunyandan xəbər var. Anspress-in məlumatına görə, Moskva yaxınlığında 18 nəfərin ölümü ilə nəticələnən yol-qəzası törədən “KamAZ” sürücüsunün vəkili Ruben Markaryan müştərisinin məhkəməyə qadın xalatında gətirildiyinə görə qaldırdığı iddianı udub. 

Vəkil Qramın məhkəmə qarşısına qadın xalatı və çimərlik ayaqqabısında çıxarılmasının qanun pozuntusu olduğunu və bu yolla şəxsiyyətinin alçaldıldığını əsas gətirərək müstəntiqə qarşı iddia qaldırmışdı. Ermənistan ombudsmanı Karen Andreasyan bu işdə vəkilə yardımçı olması öz müsbət nəticəsini verib. 

Moskva məhkəməsi Qraç Arutyunyanın xalatda məhkəməyə gətirilməsinin müstəntiqin məhkəməyə və ictimaiyyətə qarşı hörmətsizlik olduğunu qərara alıb. Ruben Markaryan məhkəmənin bu qərarından razı qaldığını və mənəvi təzminat tələb etməyəcəklərini bildirib.

Xatırladaq ki, 2013-cü il iyulun 13-də Ermənistan vətəndaşı Qraç Arutunyanın idarə etdiyi "KamAZ" markalı maşın yüksək sürətlə hərəkət edərək sərnişin avtobusuna çırpılıb. Zərbənin təsirindən avtobus ortadan bölünüb. Nəticədə 18 nəfər ölüb. Qraç Arutyunyan qəza baş verən an yük maşınından yola düşdüyü üçün sağ qala bilib. 46 yaşlı erməni bu qəzaya kimi 6 dəfə yol hərəkəti qaydalarını pozduğu üçün cəzalandırılıb.