Sahibkar obyekti qanunsuz şəkildə genişləndirib dövlətdən gizlətməyə çalışdı; vətəndaşlar İFŞA ETDİ - FOTO

Sahibkarların özbaşınalığı nəticəsində dəfələrlə vətəndaşların səkilərdə hərəkətinə problem yaranması ilə bağlı xəbərlər dərc etmişik. Bu dəfə isə daha bir sahibkar tam fərqli üslubda qaydaları pozub.

Avtosfer.az xəbər verir ki, Bakının Nəsimi rayonunda sahibkarın öz obyektini qanunsuz şəkildə böyütməsi vətəndaşların gözündən yayınmayıb.

Belə ki, rayonun Hüseynbala Əliyev küçəsində, “Memar Əcəmi” metrosu yaxınlığında obyekt yiyəsi daha əvvəl müəyyən ölçülərə sahib və vətəndaşların səkidə hərəkətinə maneə yaratmayan obyektinin ölçülərini qanunsuz yolla böyüdüb. Əlavə mərtəbə artırması bir kənara, ola bilsin bunu qanuni yolla necəsə edib, obyektin uzunluğunu da artırıb. Üstəlik, etdiyi qanunsuzluğu gizlətmək məqsədilə bu artırılan sahənin önünü saxta obyekt örtüyü ilə də bağlayıb.

Vətəndaşlar aidiyyəti qurumlarıdan sahibkarların belə özbaşınalıqlarını nəzarətə götürmələrini və uzun illərdir paytaxtda yaradılan belə problemlərin qarşısının alınmasını tələb edir.

Səfər