Sakinlərin yol problemi: "3 ildir eyni sözü deyirlər" - FOTO

Gündəm 20 İyun 2024 22:39 Oxunub 296
Sakinlərin yol problemi:  "3 ildir eyni sözü deyirlər" - FOTO
WhatsApp kanalımıza abunə ola bilərsiniz

Gəncə şəhəri 4-cü mikrorayonda yerləşən 13-cü binanın sakinləri yol problemindən əziyyət çəkirlər. Avtosfer.az xəbər verir ki, mövcud problemlə əlaqədar Ölkə.az-a şikayət ünvanlayan vətəndaşlar bildirib ki, ərazidəki yol 3 il əvvələ qədər yaxşı vəziyyətdə olub:

"Yollarımız əvvəl asfalt idi. 3 il əvvəl su sistemlərinin yenilənməsi zamanı gəlib yolları qazdılar, bərbad vəziyyətə saldılar. Bizə demişdilər ki, yollar yenidən asfaltlanacaq, amma 3 ildir gözləyirik".

Sakinlərin sözlərinə görə, dağılmış yollar həm piyadalara, həm də avtomobili olanlara çətinlik yaradır:

"Qonşulardan yıxılanlar çox olub. Ötən dəfə bir qonşu yıxılıb qolu sınmışdı. Həmçinin uşaqlar da velosiped sürə bilmirlər. Yolların hazırkı vəziyyəti sakinlərin gediş-gəlişini və nəqliyyat vasitələrinin hərəkətini çətinləşdirir".

Bina sakini İlham Kərimov ərazidəki vəziyyətlə bağlı redaksiyamıza fotolar da göndərib.

Məsələ ilə əlaqədar Gəncə Şəhər icra Hakimiyyətinin Təsərrüfat şöbəsi ilə əlaqə saxlasaq da, zənglərimizə cavab verən olmadı.

ŞƏRH YAZ
Ad

E-mail

Şərh