Sürücülərdə narazılıq yaradan qoşa xətlə bağlı AYNA-dan açıqlama - VİDEO

Paytaxtın Səbail rayonu, Nigar Rəfibəyli küçəsində yol hərəkətinin təşkilində müşahidə olunan uyğunsuzluq sürücülərin narazılığına səbəb olub.
Bu barədə izləyicilərdən biri Avtosfer.az-ın “WhatsApp” ünvanına videomaterial göndərərək məlumat verib. Görüntülərdən aydın olur ki, iki istiqamətli yolun ortasında enli qoşa xətt çəkilib və nəticədə manevr üçün nəzərdə tutulan hissədə məhdudiyyət yaranıb.
Şikayətçinin sözlərinə görə, geriyə dönmə nişanının tələbinə uyğun manevr etmək istəyən sürücülər çətinliklə üzləşirlər. O bildirib ki, əksər hallarda sürücülər təhlükəsiz manevr edə bilmək üçün avtomobili dəfələrlə irəli-geri hərəkət etdirməyə məcbur qalırlar ki, bu da həm vaxt itkisinə, həm də yol hərəkətində əlavə risklərə səbəb olur.
İzləyici aidiyyəti qurumlara müraciət edərək, məsələyə aydınlıq gətirilməsini və yol xəttlənməsinin məqsəd və funksional baxımdan yenidən nəzərdən keçirilməsini zəruri sayıb.
Məsələ ilə bağlı AYNA-nın mətbuat katibi Tural Orucov Avtosfer.az-ın sorğusuna cavab olaraq bildirib ki, qeyd edilən ərazidə işlər yol hərəkəti iştirakçılarının təhlükəsizliyi nəzərə alınmaqla, standartlara uyğun həyata keçirilib.
Onun sözlərinə görə, layihəyə əsasən zolağın eni 3,20 metr saxlanılıb. Bu isə sürücülərin piyadaların intensiv hərəkət etdiyi küçəyə daxil olarkən maksimal dərəcədə diqqətli olmaları və aşağı sürət rejimindən istifadə etmələri məqsədilə edilib.
Tural Orucov qeyd edib ki, geriyə dönmə yerində zolağın eni 4 metrə qədər artırılıb: “3,2 metrlik zolaq eni istənilən minik avtomobilinin və 3,5 tona qədər yük avtomobilinin rahat keçidi üçün kifayətdir. Dönmə radiusları normativ tələblərə uyğundur”.
Nərmin

Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA













