Şəhid oğlunun fotosuna görə hər gün yolu süpürən ata - FOTO

Uzun sürən həsrətdən sonra canları bahasına bizə torpaqlarımızı qaytaran qəhrəmanlarımızın arxada buraxdıqları can yandıran, həzinli hekayələri bitmir. 

Avtosfer.az xəbər verir ki, sosial şəbəkələrdə sürətlə yayılan bir şəkil hər kəsi hüznə qərq edib. Sabunçu rayonu Zabrat qəsəbəsində avtomobil yolunun kənarında Vətən müharibəsi iştirakçılarından biri - şəhid Veysin rəsmi əks olunan tablo yerləşdirilib. Adını şanlı tariximizə qanıyla əbədi yazan şəhidimizin atası Əbülfət dayı hər gün gəlib oğlunun şəklinin ətrafını, yolu süpürür. Bəlkə də özünü doğma balası qarşısında xəcalətli bilir. Ali məqamlı şəhid oğlunun ehtiramlı adına heç zaman ləkə gəlməyəcəyinə əmin olsa da, şəklinin ətrafında olan zir-zibilə göz yuma bilmir. 

Ətraf mühiti tullantılarıyla çirkləndirən insanlar bəlkə bu mənzərəyə biganə qalmayıb pis vərdişlərindən utanaraq əl çəkərlər. 
 

Nərminə Əli