Səkidən qaz xətti keçir – hər an təhlükəli vəziyyət yarana bilər - FOTO

Bakının əsas küçələrindən birində qaz xətti səkidə quraşdırılıb.

Avtosfer.az xəbər verir ki, paytaxtın Yasamal rayonu Məhəmməd Xiyabani küçəsində obyektlərdən, yaxud sakinlərdən birinə məxsus qaz xətti səkidə quraşdırılıb. Üstəlik qaz sayğacı da səkiyə yaxın tikilən hasarın üzərinə yerləşdirilib.

Problemlə əlaqədar ərazidə yaşayan sakinlər deyir ki, istənilən kiçik qəza, yaxud ehtiyatsızlıq ucbatından xəttə dəyəcək zərər böyük problemlərlə nəticələnə bilər.

Qeyd edək ki, foto Məhəmməd Xiyabani küçəsi ilə Kənar Dairəvi yol küçəsinin kəsişməsində çəkilib.

Səfər Əlizadə