Səkini özəlləşdirən “pivnoy" yığışdırıldı - DİN-dən AÇIQLAMA - FOTO - YENİLƏNİB

Sakinlərin narazılığı Daxili İşlər Nazirliyinin məsələyə operativ diqqəti ilə nəticələnib.

DİN-in Mətbuat Xidmətinin əməkdaşı, polis leytenantı Elbrus İbrahimov Avtosfer.az-a açıqlamasında bildirib ki, Məmməd Rahim küçəsində “pivnoy” sahibinin yaratdığı neqativ vəziyyət polis əməkdaşları tərəfindən aradan qaldırılıb.

***

13:30

Bakıda daha bir sahibkarın özbaşınalığı şəhər sakinlərinin narazılığına səbəb olub.

Avtosfer.az xəbər vevrir ki, paytaxtın Yasamal rayonunda səki sahibkar tərəfindən özəlləşdirilib. Piyadaların hərəkət ərazisini özünün obyektinə çevirən sahibkar uzun müddətdir həmin ərazidə fəaliyyət göstərir.

Məmməd Rahim küçəsindəki “pivnoy”un sahibi səkiyə aid hissəni öz “dədə malı” kimi obyektinin ərazisinə qataraq vətəndaşların küçədəki hərəkətinə mane olmaqla sakinlərin haqlı şikayətinə səbəb olub.

Vətəndaşlar problemin aidiyyatı qurumlar tərəfindən yaxın müddətdə həll edəcəklərinə ümid edir.

Səfər Əlizadə