Selin apardığı körpünün yerində yenisi inşa olunacaq - FOTOLAR

İyun ayının sonlarında ölkəmizdə müşahidə olunan qeyri-sabit hava şəraiti ilə əlaqədar cənub bölgəsinə yağan yağışlar Astara rayonunun Siyəkü kəndi ərazisindən keçən Pensərçaya sel gətirib. Çaya gələn güclü sel suları bir sıra fəsadlara da səbəb olub.
Avtosfer.az “Azərtac”a istinadən xəbər verir ki, sel suları Siyakü kənd inzibati ərazi dairəsinə daxil olan Liəzi kəndində uzunluğu 8, eni 4 metr olan körpünü yuyub aparıb. Nəticədə 50-dən çox ailənin yaşadığı kəndin digər yaşayış məntəqələri ilə əlaqəsi kəsilib. Bu körpüdən təkcə Liəzi deyil, qonşu kəndlərin də sakinləri istifadə edirdi.
Sel körpünü apardıqdan bir neçə gün sonra dövlət qurumlarının və kənd sakinlərinin təşəbbüsü ilə çayın üzərindən gediş-gəlişi bərpa etmək məqsədilə dəmir konstruksiyalar vasitəsilə müvəqqəti körpü salınıb.
Problemlə bağlı Siyəkü kənd bələdiyyə sədri Ramin Dədəyevin sözlərinə görə, təbii fəlakət baş verən gündən məsələ aidiyyəti qurumların nəzarətinə götürülüb:
“Siyakü kənd inzibati ərazi dairəsinə daxil olan Liəzi kəndindəki körpü sel nəticəsində uçub. Əhalinin və rayon icra hakimiyyətinin köməyi ilə həmin körpü bərpa olunub. Gələcəkdə isə burada yeni körpünün tikintisi nəzərdə tutulur”.
Bələdiyyə sədri onu da bildirib ki, layihəyə əsasən sözügedən körpü ilə yanaşı, Siyakü kənd inzibati ərazi dairəsində təbii fəlakət nəticəsində yararsız hala düşən daha 3 körpünün də yerində yenilərinin inşası planlaşdırılır.





Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO
Azərbaycanda 21 yeni peşə məktəbi hansı ərazilərdə tikiləcək? – AÇIQLAMA
Bakıda avtobuslar üçün yeni svetofor sistemi: Nə dəyişəcək? – AÇIQLAMA












