Sərnişin qatarında yanğın: 700 nəfər təxliyə edildi

Böyük Britaniyanın paytaxtı Londonda sərnişin qatarında yanğın baş verib. APA-nın TASS agentliyinə istinadən verdiyi məlumata görə, insidentlə əlaqədar paytaxtın mərkəzindəki “Merilebon” dəmiryol stansiyasından 700 sərnişin təxliyə edilib. “Təxminən 400-700 sərnişin “Merilebon” stansiyasından təxliyə olunub. Qatarların hərəkəti müvəqqəti dayandırılıb”, deyə dəmiryol şirkətinin nümayəndəsi bildirib. Onun sözlərinə görə, hadisə nəticəsində zərərçəkən olmayıb.