Sərxoş sürücü «Opel»i dirəyə çırpdı

Gəncədə sürücü avtomobili dirəyə çırpıb. Hadisə şəhərin Atatürk prospektində qeydə alınıb. Gəncə şəhər sakini, 1990-cı il təvəllüdlü Çingiz Həsənov idarə etdiyi “Opel” markalı avtomobili yolun kənarında olan işıq dirəyinə çırpıb. Qəza zamanı xəsarət alan olmasa da avtomobil yararsız hala düşüb. Sürücünün sərxoş olduğu bildirilir.  Faktla bağlı Gəncə şəhər Baş Polis İdarəsində araşdırma aparılır. /APA