Sinoptiklərdən xəbərdarlıq; yağış, dolu

Milli Hidrometeorologiya Xidmətinin məlumatına görə, Bakıda və Abşeron yarımadasında sentyabrın 19-u gündüzdən sentyabrın 20-si səhərədək şimal-qərb küləyinin qısa müddətə saniyədə 15-20, arabir 23-28 metrədək güclənəcəyi gözlənilir.

Xidmətdən Avtosfer.az-a bildiriblər ki, sentyabrın 19-da Azərbaycanın bəzi rayonlarında qərb küləyinin 15-20, arabir 25-30, bəzi Kür vadisi rayonlarda arabir 35 metr/saniyəyədək güclənəcəyi, bəzi dağlıq və dağətəyi rayonlarda yağış yağacağı, ayrı-ayrı yerlərdə intensiv olacağı, dolu düşəcəyi proqnozlaşdırılır. Çaylarda sululuğun artacağı ehtimalı var.